Um sjóðinn

Landsmennt er fræðslusjóður Samtaka atvinnulífsins og 16 aðildarfélaga innan Starfsgreinasambands Íslands, byggður á kjarasamningi milli þessara aðila. Atvinnurekendur greiða í sjóðinn hlutfall af launum og fjármunirnir fara í að mennta starfsfólk — hvort sem um er að ræða einstaklingsnámskeið eða fræðslu sem vinnustaður heldur fyrir starfsfólk sitt.

Markmið sjóðsins eru tvíþætt: annars vegar að auka möguleika fyrirtækja á að þróa starfsemi sína og bæta þannig samkeppnishæfni, og hins vegar að efla starfsmenntun almennra starfsmanna og auka færni þeirra til að takast á við fjölbreyttari verkefni. Sjóðurinn styrkir jafnframt rekstur námskeiða og þróun og endurskoðun námsefnis.

Lesa meira um sjóðinn

Stéttarfélög sem standa að sjóðnum

Félagsfólk aðildarfélaganna sækir um styrk frá sjóðnum hjá sínu stéttarfélagi sem sér um afgreiðslu styrkja fyrir hönd Landsmenntar. Aðildafélögin eru sum hver deildarskipt og því getur í einhverjum tilfellum verið þörf á að kanna í hvaða fræðslusjóð er verið að greiða hjá launagreiðanda eða viðkomandi stéttarfélagi.